- Ünvan: AZ 3700, Qobustan şəhəri, Heydər Əliyev pr.1
- Faks: (+994 2024) 5-27-39
- E-mail: mail@qobustan-ih.gov.az
Xəbərlər
-
Qobustan rayonunda 2019-cu ilin sosial-iqtisadi inkişafının yekunları və cari ildə qarşıda duran vəzifələrlərə dair hesabat yığıncağı keçirildi.
2020-02-1818 fevral 2020-ci il tarixdə keçirilən hesabat yığıncağında rayon icra hakimiyyətinin başçısı Adil Məmmədovun məruzəsi dinlənilib, çıxışlar olub. Vurğulanıb ki, regionların sosial-iqtisadi inkişafına dair dördüncü Dövlət Proqramından irəli gələn vəzifələrin yerinə yetirilməsi, rayonda kənd təsərrüfatının ayrı-ayrı sahələrinin inkişafı, sosial layihələrin icrası istiqamətində ciddi tədbirlər görülüb və uğurlu nəticələr qazanılmağa davam edilir. Yığıncaqda əhalinin elektrik enerjisi, təbii qazla normal təminatı sahəsində görülən işlər, habelə həllini gözləyən məsələlərlə bağlı ətraflı müzakirələr aparılıb. Hesabat yığıncağında Prezident Administrasiyasının məsul işçisi Nəsir Muxtarlı çıxış edərək Prezident İlham Əliyevin rəhbərliyi ilə Azərbaycanda həyata keçirilən sosial-iqtisadi inkişaf strategiyasından, qazanılan böyük uğurlardan, habelə qarşıda duran konkret vəzifələrdən danışıb. Sonda Prezident İlham Əliyevə müraciət qəbul olunub.
-
Qobustan Rayon İcra Hakimiyyətinin başçısı Adil Məmmədov Sədəfli kənd sakinləri ilə səyyar görüş keçirdi.
2020-02-14Qobustan rayon Sədəfli kənd tam orta məktəbdə Qobustan Rayon İcra Hakimiyyətinin başçısı Adil Məmmədov Sədəfli kənd sakinləri ilə səyyar görüş keçirdi. Görüşdə Qobustan rayon Polis şöbəsinin rəisi Etibar Babayev, rayon İcra Hakimiyyəti başçısının müavinləri, aparatın şöbə müdirləri iştirak edirdi. Sakinlər çıxış edərək rayonumuzda gedən abadlıq və quruculuq işlərinə görə ölkə rəhbərliyinə minnətdarlıqlarını bildirdilər və onları narahat edən bəzi nöqsan və çatışmazlıqların aradan qaldırılmasını xahiş etdilər. Rayon İcra Hakimiyyətinin başçısı Adil Məmmədov sakinlər tərəfindən qaldırılan məsələlərin həlli ilə əlaqədar aidiyyəti qurum rəhbərlərinə konkret tapşırıqlar verdi.
-
Dəm qazından qorunmaq mümkündürmü?!
2020-02-13Dövlət Yanğın Nəzarəti Xidməti olaraq, birmənalı aşağıdakı tövsiyələrə əməl olunarsa, bu öldürücü qazdan qorunmaq mümkündür deyirik: • Heç bir halda qeyri-standart işlədicilərdən istifadə olunmamalıdır; • Standart işlədicilərin iş prinsiplərinə əməl olunmalı, onların funksional quruluşuna müdaxilə edilməməlidir; • Hər hansı nasazlıq aşkarlanarsa, ixtisaslaşdırılmış müəssisəyə, professional ustaya müraciət olunmalıdır; • Su qızdırıcıları – binaların qızdırılması üçün istifadə olunan Rusiya, İran, Avropa istehsalı olan, xalq arasında “pyatiminutka”, “kolonka”, “kombi”, “ariston” və sairə kimi adlandırılan hər bir qızdırıcı aparatın qazla təminatı sertifikata uyğun boru ilə təmin olunmalı, yanmış qazların çıxışı sərbəst, standart, tələb olunan ölçülərə müvafiq qaydada qurulmalı – montaj olunmalıdır; • İşlənmiş qazların kənarlaşdırılması üçün nəzərdə tutulan şaxta – baca sistemləri mütəmadi qaydada qurum, kənar predmet və sairdən təmizlənməlidir, axarlılığı tutacaq kənar əşya, hər hansı səbəb yolverilməzdir; • Heç bir halda qaz işlədicisi bilavasitə duşun qəbul edildiyi otağa qoyulmamalıdır, qaz işlədicisi açıq məkanda qoyulmalıdır, duş və işlədicinin bir məkanda olması yolverilməzdir! Əgər bu vacib tələbi pozmusunuzsa, əməl edə bilməmisinizsə, duş olan otaqda hökmən nəfəslik – kiçik ölçülü pəncərə, otağın qapısında isə kiçik diametrli dəliklər olmalıdır. Nəfəslik vardır və qapalıdırsa, bunun Sizin təhlükəsiz duş qəbulunuza faydası olmayacaq, nəfəslik açıq olmalıdır ki, dəm qazı ayrılması varsa, o qazlar hermetik qapalı mühitdə çox toplanıb ölüm gətirəcək həddə çata bilməsin, nəfəslik açıq olmalıdır; • Fərdi qaydada su qızdırıcısı ilə təmin olunan ev və mənzillərdə şəxsin evdə tək olması zamanı duş qəbul etməsi tövsiyə olunmur, çünki, dəm qazından zəhərlənmə baş verəcəyi halda zərərçəkənin xilas olması üçün kənar şəxsin və ya şəxslərin köməyi zəruridir. Daha konkret desək, evdə, mənzildə təksinizsə, duş qəbulundan vaz keçin, bunu evdə kiminsə olacağı vaxta salın; • Evdə iki nəfərsinizsə, birinin duş qəbuluna ikincinin köməyi qaçılmazdırsa, hər ikisinin eyni vaxtda duş qəbulu otağında olması da yolverilməz hal hesab olunur, belə situasiyalarda da duşdan kənar şəxsin olması və onun duş otağındakıların halına nəzarət etməsi vacibdir.
-
2 fevral - Azərbaycan Gəncləri Günüdür.
2020-01-3131 yanvar 2020-ci il tarixdə 2 fevral - Azərbaycan Gəncləri Günü münasibəti ilə Qobustan rayon Gənclər və İdman İdarəsinin təşkilatçılığı ilə bayram tədbiri keçirilmişdir.Tədbirdə Qobustan rayon İcra Hakimiyyəti başçısının müavini Təranə Güləliyeva, Gənclər və İdman İdartəsinin rəisi Qadir Əkbərov və başqaları çıxış edərək əsası ümummilli lider Heydər Əliyev tərəfindən qoyulmuş gənclər siyasətinin, bu gün də cənab Prezident İlham Əliyev tərəfindən yüksək səviyyədə həyata keçirildiyini, gənclərə göstərilən diqqət və qayğını diqqətə çatdırmışlar. Gənclər günü münasibətilə Qobustan rayon İcra Hakimiyyəti və Gənclər və İdman İdarəsi tərəfindən əməkdə, təhsildə, idmanda və incəsənətin müxtəlif sahələri üzrə fərqlənmiş gənclər Fəxri fərman və qiymətli hədiyyələrlə təltif olunmuşlar.
-
Qobustan Rayon İcra Hakimiyyətinin başçısı Adil Məmmədov Qobustan şəhər sakinləri ilə səyyar görüş keçirdi.
2020-01-31Qobustan rayon İcra Hakimiyyətinin başçısı cənab Adil Məmmədov şəhər sakinlərinin problemlərini, təklif və istəklərini dinləmək üçün 31 yanvar 2020-ci il tarixdə Qobustan şəhər 1 saylı tam orta məktəbdə səyyar görüş-qəbul keçirmişdir. Tədbiri giriş nitqi ilə açan İƏD üzrə nümayəndə Məlikağa Əhədov gələn qonaqları salamlayaraq rayonumuzda aparılan abadlıq-quruculuq işlərinə görə ölkə prezdenti cənab İlham Əliyevə şəhər sakinləri adından təşəkkür etdi. Sonra RİH-nin başçısı Adil Məmmədov çıxış edərək Azərbaycan Respublikasının Prezidenti cənab İlham Əliyevin Qobustan rayonuna səfərləri, dövlətimizin, və dövlət rəhbərinin rayonumuza diqqəti və qayğısı barədə sakinlərə məlumat verib. RİH başçısı bildirib ki, çoxsaylı sosial, istehsal, emal, infrastruktur obyektlərinin, yeni yolların açılışı, səfərdən sonra cənab Prezidentin qəbul etdiyi sərəncamlar Qobustan rayonunun geniş miqyasda, çoxistiqamətli inkişafı üçün möhkəm əsas yaradır. Hər bir inzibati ərazi dairəsi, hər bir kənd, hər bir rayon sakini qarşıya qoyulmuş vəzifələrin, yeni layihələrin həyata keçirilməsi üçün fədakarlıqla çalışmalıdır. İcra hakimiyyətinin başçısı daha sonra şəhərin həlli vacib problemlərindən və onların həlli yollarından danışıb. Qeyd edib ki, vətəndaşlar hər bir addımda, hər bir fəaliyyət istiqamətində qanunçuluğa riayət etməli, xüsusilə də torpaqlardan istifadə, tikinti məsələlərində, enerji resurslarından istifadədə diqqətli olmalıdırlar. RİH başçısı qeyd edilən məsələlərin həlli ilə bağlı aidiyyatı üzrə idarə-müəssisə rəhbərlərinə tapşırıqlarını verib.
